ഹിമാചല്പ്രദേശിലെ മണാലിയില് ബെക്ക് താഴ്ചയിലേക്ക് മറിഞ്ഞുണ്ടായ അപകടത്തില് ഒരു മലയാളി അടക്കം രണ്ടു പേര് മരിച്ചു. മലപ്പുറം മഞ്ചേരി സ്വദേശി ഷാഹിദ്, തമിഴ്നാട് കന്യാകുമാരി സ്വദേശി വില്യം എന്നിവരാണ് മരിച്ചത്. ഇരുവരും ഡല്ഹിയില് നിന്നാണ് മണാലിയില് എത്തിയത്. മരിച്ച മഞ്ചേരി സ്വദേശി ഷാഹിദ് ഡോക്ടറാണ്.
സംഭവത്തില് പൊലീസ് കേസെടുത്തിട്ടുണ്ട്. പോസ്റ്റുമോര്ട്ടം നടപടികള് പൂര്ത്തിയാക്കിയ ശേഷം മൃതദേഹം സുഹൃത്തുക്കള്ക്ക് വിട്ടുനല്കി. മലയോര മേഖലകളിലെ റോഡുകളില് ക്രാഷ് ബാരിയറുകള് ഇല്ലാത്തതാണ് അപകടങ്ങള്ക്ക് പ്രധാനകാരണമെന്നാണ് പോലീസ് പറയുന്നത്. കൂടാതെ അപകടങ്ങളില് 42 ശതമാനവും അമിത വേഗം മൂലമുള്ള മലക്കം മറിച്ചിലിനേ തുടര്ന്നാണ് സംഭവിക്കുന്നതെന്നും റിപ്പോര്ട്ടുണ്ട്.
