ന്യൂനമര്ദം സംസ്ഥാനത്ത് തിങ്കളാഴ്ച (നവംബര് 14) വരെ വ്യാപക മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. തെക്കു പടിഞ്ഞാറന് ബംഗാള് ഉള്ക്കടലില് വടക്ക് കിഴക്കന് ശ്രീലങ്കന് തീരത്തോട് ചേര്ന്ന് നിലകൊള്ളുന്ന ന്യൂനമര്ദ്ദം ശക്തി കൂടിയ ന്യുനമര്ദ്ദമായി മാറിയതാണ് കാരണം.
ന്യുനമര്ദ്ദം നാളെ രാവിലെ വരെ വടക്ക് പടിഞ്ഞാറന് ദിശയില് സഞ്ചരിച്ച് തമിഴ്നാട് – പുതുച്ചേരി തീരത്തേക്ക് നീങ്ങുകയും തുടര്ന്ന് നവംബര് 12 , 13 തീയതികളില് പടിഞ്ഞാറ് -വടക്കു പടിഞ്ഞാറ് ദിശയില് തമിഴ്നാട് – പുതുച്ചേരി, കേരളം എന്നീ പ്രദേശങ്ങളിലൂടെ സഞ്ചരിക്കാനുമാണ് സാധ്യത. അതിനാല് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴ പെയ്തേക്കുമെന്നാണ് മുന്നറിയിപ്പ്. തെക്കു പടിഞ്ഞാറന് ബംഗാള് ഉള്ക്കടലില് വടക്ക് കിഴക്കന് ശ്രീലങ്കന് തീരത്തോട് ചേര്ന്ന് നിലകൊള്ളുന്ന ന്യൂനമര്ദ്ദമാണ് ശക്തി കൂടിയ ന്യുനമര്ദ്ദമായി മാറിയത്.
