മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കറിന്റെ ജാമ്യാപേക്ഷ ഇന്ന് ഹൈക്കോടതി പരിഗണിക്കും. തൃശൂര് വടക്കാഞ്ചേരി ലൈഫ് മിഷന് പദ്ധതിയില് നിന്നും കമ്മീഷനായി വാങ്ങിയ 4.5 കോടി രൂപയുടെ കള്ളപ്പണമാണ് ശിവശങ്കര് വെളുപ്പിക്കാന് ശ്രമിച്ചെന്ന എന്ഫോഴ്സ്മെന്റ് ഡയറക്ട്രേറ്റ് കേസിലാണ് ജാമ്യത്തിന് ശ്രമിക്കുന്നത്.
ഈ കേസില് ശിവശങ്കറിനെ ഒന്പത് ദിവസം ഇഡി കസ്റ്റഡിയില് ചോദ്യം ചെയ്ത്തശേഷം കോടതിയില് ഹാജരാക്കിയപ്പോള് കസ്റ്റഡിയില് ആവശ്യപ്പെട്ടില്ല. അതിനെ തുടര്ന്ന് റിമാന്ഡ് ചെയ്യുകയായിരുന്നു. എന്നാല് തനിക്ക് ആരോഗ്യപ്രശ്നമുള്ളതിനാല് ജാമ്യം നല്കണമെന്നായിരുന്നു ശിവശങ്കര് ജാമ്യാപേക്ഷയില് ആവശ്യപ്പെട്ടിരിക്കുന്നത്. മാത്രമല്ല അന്വേഷണത്തില് തനിക്കെതിരെ പുതിയതായി ഒന്നും കണ്ടെത്തിയിട്ടില്ലെന്നും ശിവശങ്കര് ജാമ്യാപേക്ഷയില് പറയുന്നുണ്ട്.
ശിവശങ്കറിന്റെ ജാമ്യാപേക്ഷ നേരത്തെ വിചാരണക്കോടതി തള്ളിയിരുന്നു ഇതിനെ തുടര്ന്നാണ് ഹൈക്കോടതിയെ സമീപിച്ചത്.
