ഇസ്രോ ചാരക്കേസ് ഗൂഢാലോചനയിലെ 5 പ്രതികളുടെ മുന്കൂര് ജാമ്യ ഹര്ജിയില് ഇന്ന് കോടതി വിധി പറയും. ഒന്നാം പ്രതി വിജയന്, രണ്ടാം പ്രതി തമ്പി എസ് ദുര്ഗാദത്ത്, പതിനൊന്നാം പ്രതിയും മുന് ഐബി ഉദ്യോഗസ്ഥനുമായ പിഎസ് ജയപ്രകാശ്, മുന് ഡിജിപി സിബി മാത്യൂസ്, ആര്ബി ശ്രീകുമാര് എന്നിവരാണ് മുന്കൂര് ജാമ്യ ഹര്ജി നല്കിയിട്ടുള്ളത്.
കേരള മുന് ഡിജിപി സിബി മാത്യൂസ്, ഗുജറാത്ത് മുന് എഡിജിപി ആര്ബി ശ്രീകുമാര് എന്നിവരും മറ്റ് മൂന്ന് പേരും കേസിലെ പ്രതികളാണ്. 1994-ല് ഇന്ത്യന് ബഹിരാകാശ ഗവേഷണ സ്ഥാപനത്തിലെ (ഐഎസ്ആര്ഒ) ശാസ്ത്രജ്ഞനായിരുന്ന നമ്പി നാരായണനെതിരെ ഗൂഢാലോചന നടത്തിയെന്നാണ് കേസ്. ഐഎസ്ആര്ഒ ചാരക്കേസുമായി ബന്ധപ്പെട്ട ഗൂഢാലോചനക്കേസില് പ്രതിചേര്ക്കപ്പെട്ട മുന് പൊലീസ് ഉദ്യോഗസ്ഥരായ എസ്. വിജയന്, തമ്പി എസ്. ദുര്ഗാദത്ത്, ഇന്റലിജന്സ് ബ്യൂറോ മുന് ഡപ്യൂട്ടി ഡയറക്ടര് ആര്.ബി ശ്രീകുമാര്, മുന് ഡപ്യൂട്ടി സെന്ട്രല് ഇന്റലിജന്സ് ഓഫിസര് പി.എസ്. ജയപ്രകാശ് എന്നിവരുടെ മുന്കൂര് ജാമ്യം റദ്ദാക്കണമെന്നാവശ്യപ്പെട്ടു സിബിഐ സുപ്രീം കോടതിയെ സമീപിച്ചിരുന്നു. ദേശീയ പ്രാധാന്യമുള്ള കേസിലെ വസ്തുതകള് കണ്ടെത്താന് പ്രതികളെ കസ്റ്റഡിയില് ചോദ്യം ചെയ്യേണ്ടതുണ്ടെന്നും പ്രതികള്ക്കെതിരെ ഉന്നയിക്കപ്പെട്ടിരിക്കുന്നതു ഗുരുതരമായ ആരോപണങ്ങളാണെന്നും സിബിഐ ആരോപിച്ചു.
