അവധിക്കാലം ചിലവഴിക്കാന് ധാരാളം ടൂറിസ്റ്റുകള് എത്താറുള്ള ബഹമാസിലെ ഹാര്ബര് ദ്വീപ് ബീച്ചിലെ മണലിന്റെ നിറം പിങ്ക് ആണ്. ഈ പിങ്ക് ബീച്ചിന് അഞ്ചു കിലോമീറ്റര് നീളമുണ്ട്. മണലിന് പിങ്ക്നിറം നല്കുന്നത് ഫോറാമിനിഫെറാ എന്ന ജലജീവിയും അതിന്റെ ചുവന്ന പുറംതോടുമാണ്. പുറംതോട് പൊട്ടിപ്പൊടിഞ്ഞ് വെള്ളനിറത്തിലുള്ള മണലുമായി ചേരുമ്പോഴാണ് പിങ്ക്നിറമുണ്ടാകുന്നത്. കാത്സ്യം കാര്ബണേറ്റ് അടങ്ങിയ പദാര്ത്ഥങ്ങളാണ് പുറംതോടില് നിന്നും പൊടിഞ്ഞുവീഴുന്നത്.
Continue Reading
നാളെ അര്ദ്ധരാത്രി 12 മണി മുതല് ചെന്നൈ രാജ്യാന്തരഎയര്പോര്ട്ടിന്റെ പാര്ക്കിംഗ് കേന്ദ്രം പൊതുജനങ്ങള്ക്കായി തുറന്നുകൊടുക്കും. ഇവിടെ രണ്ടായിരത്തോളം വാഹനങ്ങള് നിര്ത്തിയിടാം.ആദ്യ അരമണിക്കൂറിന് കാറുകള്ക്ക് 75 രൂപയും ടൂവീലറുകള്ക്ക് 20 രൂപയുമാണ് ചാര്ജ്. മറ്റിടങ്ങളില് വാഹനപാര്ക്കിംഗ് ഉണ്ടാവുകയില്ല. വൈദ്യുതവാഹനങ്ങള്ക്കുള്ള ചാര്ജിംഗ് പോയിന്റുകളുമുണ്ടാകും.
Continue Reading
തമിഴ് നാട്ടിലെ ക്ഷേത്രങ്ങളില് മൊബൈല്ഫോണ് നിരോധിച്ചുകൊണ്ട് മദ്രാസ് ഹൈക്കോടതി ഉത്തരവിട്ടു. ഫോണുകള് സുരക്ഷിതമായി സൂക്ഷിക്കാന് ലോക്കര്സൗകര്യം ചെയ്യണമെന്നും നിര്ദ്ദേശിച്ചു.ക്ഷേത്രങ്ങളില് മൊബൈല്ഫോണ് നിരോധിക്കുക വഴി ആരാധനാലയങ്ങളുടെ പരിശുദ്ധി കാത്തുസൂക്ഷിക്കാന് കഴിയുമെന്ന് ഉത്തരവില് പറയുന്നു. ക്ഷേത്രത്തില് പ്രാര്ത്ഥിക്കുമ്പോള് ചിലര് മൊബൈലില് സംസാരിക്കുന്നത് മറ്റുള്ളവര്ക്ക് അലോസരമാണെന്നും കോടതി അഭിപ്രായപ്പെട്ടു.
Continue Reading
തിരുവനന്തപുരം: മലയാളികളുടെ പ്രിയപ്പെട്ട നടൻ കൊച്ചുപ്രേമൻ (കെ.എസ്. പ്രേംകുമാർ- 68) അന്തരിച്ചു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. തിരുവനന്തപുരം ജില്ലയിലെ പേയാടാണ് ജനിച്ച പ്രേംകുമാർ പേയാട് സർക്കാർ സ്കൂളിലും. പിന്നീട് എംജി കോളജിൽനിന്ന് ബിരുദവും നേടിയിട്ടുണ്ട്. നാടകത്തിലൂടെയാണ് രംഗപ്രവേശം. ജഗതി എൻ.കെ.ആചാരിയുടെ ജ്വാലാമുഖി എന്ന നാടകത്തിലൂടെ ശ്രദ്ധേയനായി. ഏഴു നിറങ്ങളാണ് ആദ്യം റിലീസ് ചെയ്ത സിനിമ. മിമിക്രിക്കാരുടെ ഇഷ്ടതാരമായിരുന്നു കൊച്ചുപ്രേമൻ. അദ്ദേഹത്തിൻ്റെ പ്രത്യേകരീതിയിലുള്ള ഡയലോഗുകൾക്കു ധാരാളം ആരാധകരുണ്ടായിരുന്നു. ട്രോളുകളിലെ നിറസാന്നിധ്യമായിരുന്നു കൊച്ചുപ്രേമൻ.
Continue Reading
സംസ്ഥാനത്തെ ഏറ്റവും വലിയ എലിവേറ്റഡ് ഹൈവേ കഴക്കൂട്ടത്ത് ഗതാഗതത്തിനായി തുറന്നുകൊടുത്തു. കേന്ദ്രമന്ത്രി നിതിന് ഗഡ്കരിയുടെ തീയതി ലഭിക്കാത്തതുകൊണ്ട് ഔദ്യോഗികഉദ്ഘാടനം പിന്നീട് മാത്രമേ നടത്തുകയുള്ളൂ. ഗതാഗതക്കുരുക്ക് ഒഴിവാക്കാനാണ് ഹൈവേ തുറന്നത്. കേരളപ്പിറവിദിനത്തില് തുറക്കാനായിരുന്നു തീരുമാനമെങ്കിലും പണി പൂര്ത്തിയായിരുന്നില്ല. 2018 ഡിസംബറിലായിരുന്നു നിര്മ്മാണം ആരംഭിച്ചത്.കഴക്കൂട്ടം ആറ്റിന്കുഴിയില് നിന്ന് തുടങ്ങുന്ന ഹൈവേ സിഎസ്ഐ ആശുപത്രിക്ക് സമീപം വരെ നീളുന്നു. നാലുവരിപ്പാതയുടെ നീളം 2.721 കിലോമീറ്ററാണ്. 61 തൂണുകളും 279 പൈലുകളും 420 ഗര്ഡറുകളും 59 സ്പാനുകളുമുള്ള ഹൈവേയ്ക്ക് 195.5 കോടി രൂപ […]
Continue Reading
64-ാമത് സംസ്ഥാന സ്കൂള് കായികോത്സവം തിരുവനന്തപുരത്ത് തുടങ്ങി. ആദ്യസ്വര്ണം പാലക്കാടിന്. സീനിയര് ആണ്കുട്ടികളുടെ മൂവായിരം മീറ്ററില് കല്ലടി സ്കൂളിലെ മുഹമ്മദ് മഷുദിനാണ് സ്വര്ണം നേടിയത്. പെണ്കുട്ടികളുടെ വിഭാഗത്തില് പൂഞ്ഞാര് എസ്എന്വി ഹയര് സെക്കന്ഡറി സ്കൂളിലെ ദേവിക ബെനിനാണ് സ്വര്ണം.മത്സരങ്ങളുടെ ഔദ്യോഗികഉദ്ഘാടനം ഇന്ന് വൈകിട്ട് മുഖ്യമന്ത്രി പിണറായി വിജയന് നിര്വ്വഹിക്കും. ആറ് കാറ്റഗറികളിലായി മൊത്തം 2737 വിദ്യാര്ത്ഥീവിദ്യാര്ത്ഥിനികള് പങ്കെടുക്കും.
Continue Reading
പദപ്രശ്നത്തിന് 2022 ഡിസംബറില് നൂറ്റിയൊമ്പതു വയസ്സായി. ആര്തര് വിന് എന്ന പത്രപ്രവര്ത്തകനാണ് ആദ്യമായി പദപ്രശ്നം വിഭാവനം ചെയ്തത്. ന്യൂയോര്ക്ക് വേള്ഡ് എന്ന പത്രത്തിലെ കോമിക് പേജുകള് ഡിസൈന് ചെയ്യുമ്പോഴായിരുന്നു അദ്ദേഹത്തിന്റെ ബുദ്ധിയില് ഇങ്ങനെയൊരു ആശയമുദിച്ചത്. 1913 ഡിസംബര് 21-ന് പുറത്തിറങ്ങിയ ക്രിസ്മസ് എഡിഷന് സണ്ഡേ ന്യൂയോര്ക്ക് വേള്ഡില് ഇതിന് ‘വേഡ് ക്രോസ്’ എന്നായിരുന്നു പേരിട്ടിരുന്നത്. ഡയമണ്ട് ഷേപ്പിലുള്ള പദപ്രശ്നമായിരുന്നു ആദ്യത്തേത്. അതില് ‘ഫണ്’ എന്നുമെഴുതിയിരുന്നു. ഓരോ വാക്കിന്റെ തുടക്കത്തിലും അവസാനവുമുള്ള കോളത്തില് നമ്പറുകളുമിട്ടിരുന്നു. “താഴെപ്പറയുന്ന നിര്വ്വചനത്തിനു ചേരുന്ന […]
Continue Reading
ലോകകപ്പില് ഇനി പതിനാറ് മത്സരങ്ങള് കൂടി ബാക്കിയുണ്ട്. ഇന്നത്തെ പ്രീക്വാര്ട്ടര് കളികള് നെതര്ലാന്ഡ്സ്-യുഎസ്എ, അര്ജന്റീന-ഓസ്ട്രേലിയ എന്നിവയാണ്.അര്ജന്റീനയ്ക്ക് ലയണല് മെസിയുടെ കരിയറിലെ ആയിരാമത്തെ മത്സരമാണ് ഇന്നത്തേത് എന്ന സവിശേഷത കൂടിയുണ്ട്. മെസിയുടെ ഫോം തന്നെയാണ് ടീമിന്റെ ശക്തി.
Continue Reading
രണ്ടാമത് റെഡ് സീ ഇന്റര്നാഷണല് ഫിലിം ഫെസ്റ്റിവല് ജിദ്ദയില് ആരംഭിച്ചു. ചലച്ചിത്രമേഖലയ്ക്ക് നല്കിയ സമഗ്രസംഭാവനയ്ക്ക് ഷാരൂഖ്ഖാന് ബഹുമതി സമ്മാനിച്ചു. തന്റെ പുതിയ സിനിമയായ ഡുന്കിയുടെ ഷൂട്ടിംഗിനായി ഷാരൂഖ് ഖാന് ജിദ്ദയിലും അല്ഉലയിലുമാണ് ഇപ്പോഴുള്ളത്. വ്യാഴാഴ്ച മക്കയിലെത്തി ഉംറ കര്മ്മം അദ്ദേഹം നിര്വ്വഹിച്ചിരുന്നു.റെഡ് സീ ഫെസ്റ്റിവലില് പുരസ്കാരം ലഭിച്ചതില് അഭിമാനിക്കുന്നുവെന്നും തന്റെ സിനിമകളുടെ ആരാധകരുള്ള സൗദിയിലത്താന് കഴിഞ്ഞത് ഒരതിശയമായി കരുതുന്നുവെന്നും ഷാരൂഖ് ഖാന് പറഞ്ഞു.
Continue Reading
ഇന്നലെ രാവിലെ 10.30-നാണ് വൈറസ് എസ് ഡബ്ല്യൂ80 എന്ന ചെറുവിമാനം ഇടുക്കിയിലിറങ്ങിയത്. പൊതുമരാമത്ത് വകുപ്പ് നിര്മ്മിച്ച എയര്സ്ട്രിപ്പിലാണ് കൊച്ചിയില് നിന്നും വന്ന വിമാനം വിജയകരമായി നിലംതൊട്ടത്.ഭാവിയില് ദുരന്തനിവാരണപ്രവര്ത്തനങ്ങള്ക്ക് വ്യോമസേനാവിമാനങ്ങളും ഹെലികോപ്റ്ററുകളും ഇവിടെ ഇറക്കാന് കഴിയുമെന്ന വലിയ നേട്ടമാണ് ഇടുക്കിക്ക് ലഭിച്ചിരിക്കുന്നത്. 650 മീറ്ററാണ് റണ്വേയുട നീളം. 2017-ലാണ് എയര്സ്ട്രിപ്പ് നിര്മ്മിച്ചു തുടങ്ങിയത്. മിഗ് 21 ഫൈറ്റര് വിമാനങ്ങള് പറത്തുന്ന ക്യാപ്റ്റന് എ.കെ.ശ്രീനിവാസഅയ്യരും ഉദയരവിയുമായിരുന്നു പൈലറ്റുമാര്.
Continue Reading