ബ്രഹ്മപുരം തീപ്പിടിത്തം കൊച്ചി കോര്പ്പറേഷന് 100 കോടി രൂപ ദേശീയ ഹരിത ട്രിബ്യൂണല് പിഴ ചുമത്തി. ഒരുമാസത്തിനുള്ളില് പിഴയടക്കാനാണ് ഉത്തരവ്.സംസ്ഥാന ചീഫ് സെക്രട്ടറിക്ക് മുമ്പാകെ പിഴയടക്കണം. ഇത് തീപ്പിടിത്തവുമായി ബന്ധപ്പെട്ട് ഉണ്ടായ പ്രശ്നങ്ങള് പരിഹരിക്കാന് നീക്കിവെക്കണം. സംസ്ഥാന സര്ക്കാരിന് അതിനിശിതമായ ഭാഷയിലാണ് ഉത്തരവില് വിമര്ശനമുള്ളത്. തീപ്പിടിത്തമുണ്ടായപ്പോള് നടപടികള് സ്വീകരിക്കുന്നതില് സംസ്ഥാന സര്ക്കാരിന് ഗുരുതരമായ വീഴ്ചയുണ്ടായെന്ന് ട്രിബ്യൂണല് പറയുന്നു
കൊച്ചിലെ മാലിന്യവുമായും ബ്രഹ്മപുരം പ്ലാന്റുമായും ബന്ധപ്പെട്ട് നേരത്തെ ട്രിബ്യൂണല് മുന്നറിയിപ്പ് നല്കിയിരുന്നതായി ഉത്തരവില് ചൂണ്ടിക്കാട്ടുന്നു. ഇതൊന്നും പാലിച്ചില്ലെന്നും ഉത്തരവില് പറയുന്നു.വേണ്ടിവന്നാല് 500 കോടി രൂപ പിഴ ചുമത്തുമെന്ന് എ.കെ. ഗോയലിന്റെ അധ്യക്ഷതയിലുള്ള ബെഞ്ച് കഴിഞ്ഞ ദിവസം മുന്നറിയിപ്പ് നല്കിയിരുന്നു.
ഉത്തരവിനെ കോര്പ്പറേഷന് നിയമപരമായി ചോദ്യം ചെയ്യാന് സാധിക്കും. ഹൈക്കോടതിയിലോ സുപ്രീംകോടതിയിലോ അപ്പീല് നല്കാം.
