Month: February 2023

വീടിനു തീ പിടിച്ച് വീട്ടമ്മ മരിച്ചു. കോട്ടയം മണിമലയില്‍ പാറവിളയില്‍ സെല്‍വരാജന്റെ ഭാര്യ രാജം (70) ആണ് മരിച്ചത്. രക്ഷപ്പെടാന്‍ മുകള്‍നിലയില്‍നിന്ന് ചാടിയ മകന്‍ വീനീഷിനെയും (30) താഴത്തെ നിലയിലുണ്ടായിരുന്ന സെല്‍വരാജനെയും (76) പരുക്കുകളോടെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. രാത്രി 12.30നാണ് അപകടം. മുകള്‍നിലയിലുണ്ടായിരുന്ന വിനീഷിന്റെ ഭാര്യയും 2 മക്കളും രക്ഷപ്പെട്ടു. ഹോളി മാഗി ഫൊറോന പള്ളിക്കു പിന്നിലാണ് അപകടം നടന്ന വീട്. കാഞ്ഞിരപ്പള്ളി അഗ്‌നിരക്ഷാ സേന എത്തിയെങ്കിലും വാഹനം വീടിനു സമീപത്തേക്ക് എത്താതിരുന്നതിനാല്‍ ഒരു […]

അർദ്ധരാത്രിക്ക് ശേഷം റായ് പൂരിൽ നിന്ന് 100 കിലോമീറ്റർ അകലെ ബലോദബസാറിൽ അതിവേഗ ട്രക്ക് പിക്കപ്പിൽ ഇടിച്ചുണ്ടായ അപകടത്തിൽ പതിനൊന്ന് പേർ മരിച്ചു. പരിക്കേറ്റ് ജില്ലാ ആശുപത്രിയിൽ പ്രവേശിപ്പിച്ച രണ്ട് പേരുടെ നില അതീവ ഗുരുതരമാണ്. ചെറിയ യൂട്ടിലിറ്റി പിക്കപ്പ് വാഹനത്തിൽ യാത്ര ചെയ്ത മരിച്ചവരെല്ലാം വിവാഹ ചടങ്ങിൽ പങ്കെടുത്ത് മടങ്ങുകയായിരുന്നു.അശ്രദ്ധമായി വാഹനമോടിച്ചതാണ് അപകടത്തിന് കാരണമെന്ന് പോലീസ് സംശയിക്കുന്നു. എതിർവശത്ത് നിന്ന് വന്ന ട്രക്ക് പിക്കപ്പിൽ ഇടിക്കുകയായിരുന്നുവെന്ന് ദൃക്‌സാക്ഷികൾ പറഞ്ഞു.

രാജധാനി എക്‌സ്പ്രസ്സില്‍ ബോംബ് ഭീഷണി മുഴക്കിയ യാത്രക്കാരന്‍ അറസ്റ്റില്‍ പഞ്ചാബ് സ്വദേശി ജയ്‌സിംഗ് റാത്തറാണ് അറസ്റ്റിലായത്. എറണാകുളത്ത് നിന്നും ട്രെയിന്‍ പുറപ്പെട്ടപ്പോഴാണ് സംഭവം. ട്രെയിനില്‍ കയറാന്‍ കഴിയാതെ വന്ന യാത്രക്കാരന്‍ ഭീഷണി മുഴക്കുകയായിരുന്നു.തുടര്‍ന്ന് ഷൊര്‍ണൂരില്‍ ട്രെയിന്‍ നിര്‍ത്തിയിട്ടു. ഈ സമയം ഭീഷണി മുഴക്കിയ യാത്രക്കാരന്‍ ഷൊര്‍ണൂരിലേക്ക് പുറപ്പെടുകയും ഷൊര്‍ണൂരില്‍ ബോംബ് സ്‌ക്വാഡ് പരിശോധന നടത്തുന്നതിനിടെ യാത്രക്കാരന്‍ ട്രെയിനില്‍ കയറുകയായിരുന്നു. ഇവിടെ നിന്നാണ് ഇയ്യാളെ അറസ്റ്റു ചെയ്തത്.

85ാ-മത് കോണ്‍ഗ്രസ് പ്ലീനറി സമ്മേളനത്തിന് ഇന്ന് തുടക്കം. കോണ്‍ഗ്രസ് ചരിത്രത്തിലെ എണ്‍പത്തിയഞ്ചാമത്ത് പ്ലീനറി സമ്മേളനത്തിനാണ് ഇന്ന് തുടക്കമാവുന്നത്.ന്യൂ റായ്പൂരിലെ മേള മൈതാനിയില്‍ പ്രത്യേകം സജ്ജമാക്കിയ വേദിയിലായിരിക്കും മൂന്ന് ദിനം നീളുന്ന പ്ലീനറി സമ്മേളനം നടക്കുക. പ്ലീനറിയില്‍ പങ്കെടുക്കുന്ന ഭൂരിഭാഗം നേതാക്കളും ഇന്നലെ റായ്പൂരിലെത്തി. കെപിസിസി അദ്ധ്യക്ഷന്‍ കെ. സുധാകരന്റെ നേതൃത്വത്തിലുളള കേരള സംഘവും റായ്പൂരില്‍ എത്തിയിട്ടുണ്ട്.15000ത്തിലേറെ പ്രതിനിധികളാണ് മൂന്ന് ദിവസം നീണ്ടു നില്‍ക്കുന്ന പ്ലീനറിയില്‍ പങ്കെടുക്കുക. പ്രവര്‍ത്തക സമിതിയിലേക്ക് തിരഞ്ഞെടുപ്പ് നടക്കുമോ എന്നതില്‍ അന്തിമ തീരുമാനം സ്റ്റിയറിംഗ് […]

ഇടതടവില്ലാതെ ഗുണമേന്മയുള്ള വൈദ്യുതി ഉപയോക്താക്കള്‍ക്ക് വിതരണം ചെയ്തു വൈദ്യുത മേഖലയെ രാജ്യാന്തര നിലവാരത്തിലേക്ക് ഉയര്‍ത്തുകയാണ് സര്‍ക്കാരിന്റെ ലക്ഷ്യമെന്ന് ആരോഗ്യ, വനിതാ ശിശു വികസന വകുപ്പ് മന്ത്രി വീണാ ജോര്‍ജ് പറഞ്ഞു. വൈദ്യുത മേഖലയിലെ വികസനവും, അന്താരാഷ്ട്ര നിലവാരത്തിലേക്കുള്ള നവീകരണവും ലക്ഷ്യമാക്കി കേന്ദ്ര- സംസ്ഥാന സര്‍ക്കാരുകളുടെ സംയുക്ത സഹകരണത്തോടു കൂടി കേരള സംസ്ഥാന വൈദ്യുത ബോര്‍ഡ് നടപ്പാക്കുന്ന നവീകരിച്ച വിതരണ മേഖല പദ്ധതിയുടെ(ആര്‍ഡിഎസ്എസ് ) ജില്ലാതല ശിൽപ്പശാലയുടെ ഉദ്ഘാടനം കോഴഞ്ചേരില്‍ നടന്ന ചടങ്ങില്‍ ഓണ്‍ലൈനായി നിര്‍വഹിച്ചു സംസാരിക്കുകയായിരുന്നു മന്ത്രി. […]

കാമാക്ഷി ഗ്രാമ പഞ്ചായത്ത്തല വയോജന സംഘമം തങ്കമണിയില്‍ നടത്തി. നമ്മളറിയാന്‍ എന്ന പേരില്‍ സംഘടിപ്പിച്ച പരിപാടിയുടെ ഉദ്ഘാടനം ജില്ലാ കളക്ടര്‍ ഷീബ ജോര്‍ജ്ജ്  നിര്‍വഹിച്ചു. കാമാക്ഷി ഗ്രാമപഞ്ചായത്ത് പ്രസിഡന്റ് അനുമോള്‍ ജോസ് അധ്യക്ഷത വഹിച്ചു. 105 വയസുകാരി കുഞ്ഞമ്മ വെട്ടിക്കാവുങ്കല്‍ മുഖ്യഅതിഥിയായി. സംഗമത്തോടനുബന്ധിച് മെഡിക്കല്‍ ക്യാമ്പുകള്‍, ആധാര്‍ സേവനങ്ങള്‍, വയോജനങ്ങളുടെ വിവിധ കലാപരിപാടികള്‍ എന്നിവയും ഉണ്ടായിരുന്നു. പഞ്ചായത്തിലെ 60 വയസ്സിനു മുകളില്‍ പ്രായമുള്ള വയോജനങ്ങളെ ഉള്‍പ്പെടുത്തി സംഘടിപ്പിച്ച ‘നമ്മളറിയാന്‍ 2023’ സംഗമത്തോടനുബന്ധിച്ച് വയോജനങ്ങള്‍ക്കായി നടത്തിയ ആധാര്‍ പുതുക്കല്‍, […]