Category: India

എസ്എസ്എല്‍വി വിക്ഷേപണം വിജയകരമായി പൂര്‍ത്തിയാക്കി ഇന്ത്യ. രാജ്യം പുതിയതായി നിര്‍മിച്ച ഹ്രസ്വ ദൂര ഉപഗ്രഹ വിക്ഷേപണ റോക്കറ്റിലൂടെ അമേരിക്കന്‍ കമ്പനിയായ അന്റാരിസിന്റെ ജാനസ്-1, ചെന്നൈയിലെ സ്പേസ് കിഡ്സ്, ഇന്ത്യയുടെ ആസാദിസാറ്റ്-2 എന്നീ ഉപഗ്രഹങ്ങളെയാണ് ഭ്രമണപഥത്തിലെത്തിച്ചത്. ശ്രീഹരിക്കോട്ടയിലെ സതീഷ് ധവാന്‍ സ്പേസ് സെന്ററില്‍ നിന്ന് രാവിലെ 9.18നാണ് ഉപഗ്രഹങ്ങള്‍ വിക്ഷേപണം ചെയ്തത്. 500 കിലോ വരെ ഭാരമുള്ള ചെറുഉപഗ്രഹങ്ങളെ വഹിക്കാന്‍ ഈ റോക്കറ്റിനാകും. ബഹിരാകാശത്തേക്ക് കുറഞ്ഞ ചെലവില്‍ ഉപഗ്രഹങ്ങള്‍ വിക്ഷേപിക്കാന്‍ എസ്എസ്എല്‍വി അനുയോജ്യമാണ്.

ഝാര്‍ഖണ്ഡിലെ ബുര്‍ഹ പഹഡ് മേഖലയില്‍ നിന്ന് മാവോയിസ്റ്റുകളുടേതെന്ന് കരുതുന്ന ആയുധങ്ങളും സ്‌ഫോടക വസ്തുക്കളും പിടികൂടി. പൊലീസും സിആര്‍പിഎഫും ചേര്‍ന്ന് നടത്തിയ തെരച്ചിലിലാണ് വെടിക്കോപ്പുകള്‍ പിടികൂടിയത്.ശക്തമായ സ്‌ഫോടനം നടത്താന്‍ കഴിയുന്ന സ്‌ഫോടക വസ്തുക്കളും ഈ തിരച്ചിലില്‍ കണ്ടെത്തിയതായി പൊലീസ് അറിയിച്ചിട്ടുണ്ട്. ശക്തമായ മാവോയിസ്റ്റ് സാന്നിധ്യമുള്ള മേഖലയാണ് ഇത്.തൊണ്ണൂറുകളിലും രണ്ടായിരത്തിന്റെ തുടക്കത്തിലും മാവോയിസ്റ്റുകള്‍ പൊലീസുമായി വളരെ ശക്തമായ നിരവധി ഏറ്റുമുട്ടലുകള്‍ നടത്തിയ ഒരു മേഖലയാണ്. ഈ പ്രദേശത്ത് ഇപ്പോഴും മാവോയിസ്റ്റുകളുടെ സാന്നിധ്യം ഉണ്ട് എന്ന രഹസ്യവിവരത്തിന്റെ അടിസ്ഥാനത്തിലായിരുന്നു തെരച്ചില്‍. കഴിഞ്ഞ […]

പാലിന്റെ വില വര്‍ദ്ധിപ്പിച്ച് അമൂല്‍. കമ്പനി പായ്ക്കറ്റ് പാലിന്റെ എല്ലാ വിഭാഗങ്ങളുടേയും വില 3 രൂപ വീതമാണ് വര്‍ദ്ധിപ്പിച്ചത്.കഴിഞ്ഞ ഒരുവര്‍ഷത്തിനിടെ ഇത് നാലാംതവണയാണ് അമൂല്‍ പാല്‍വില വര്‍ധിപ്പിക്കുന്നത്. പുതിയ നിരക്കുകള്‍ ഇന്ന് മുതല്‍ (ഫെബ്രുവരി 3) പ്രാബല്യത്തില്‍ വരും.പുതുക്കിയ നിരക്ക് അനുസരിച്ച് അമൂല്‍ ഗോള്‍ഡ് ലിറ്ററിന് 66 രൂപയും അമൂല്‍ താസ ലിറ്ററിന് 54 രൂപയും അമൂല്‍ പശുവിന്‍ പാല്‍ ലിറ്ററിന് 56 രൂപയും അമൂല്‍ എ2 എരുമപ്പാല്‍ ലിറ്ററിന് 70 രൂപയും ആയിരിക്കും.ഒക്ടോബറില്‍, ഗുജറാത്ത് ഒഴികെയുള്ള […]

വടക്കുപടിഞ്ഞാറന്‍ ഡല്‍ഹിയില്‍ മയക്കുമരുന്ന് വാങ്ങാന്‍ പണം നല്‍കാന്‍ വിസമ്മതിച്ച പിതാവിനെ യുവാവ് കൊലപ്പെടുത്തി.സുഭാഷ് പ്ലേസിലാണ് സംഭവം. ഷക്കൂര്‍പൂര്‍ ഗ്രാമവാസിയായ സുരേഷ് കുമാറാണ് കൊല്ലപ്പെട്ടത്. മകനെ പൊലീസ് അറസ്റ്റ് ചെയ്തു.പ്രദേശവാസികള്‍ വിവരം അറിയിച്ചതിനെ തുടര്‍ന്ന് ഡല്‍ഹി പൊലീസ് സ്ഥലത്തെത്തി. സുരേഷിനെ പരിക്കേറ്റ നിലയില്‍ കണ്ടെത്തി. ഒരു ചെവിയില്‍ നിന്ന് ചോര ഒലിക്കുന്നുണ്ടായിരുന്നു. ഇയാളെ അടുത്തുള്ള ആശുപത്രിയില്‍ എത്തിച്ചെങ്കിലും മരണം സംഭവിച്ചതായി ഡോക്ടര്‍മാര്‍ അറിയിച്ചു.പണത്തെ ചൊല്ലി മകന്‍ അജയ്യുമായി വഴക്കിട്ടിരുന്നതായി അന്വേഷണത്തില്‍ കണ്ടെത്തിയതായി ഡെപ്യൂട്ടി പൊലീസ് കമ്മീഷണര്‍(നോര്‍ത്ത് വെസ്റ്റ്) ഉഷാ […]

വ്യോമസേനയുടെ യുദ്ധവിമാനങ്ങള്‍ പരിശീലനത്തിനിടെ കൂട്ടിയിടിച്ച് തകര്‍ന്നുവീണുഅഭ്യാസപ്രകടനത്തിനിടെ വ്യോമസേനയുടെ യുദ്ധവിമാനങ്ങള്‍ കൂട്ടിയിടിച്ച് തകര്‍ന്നുവീണു. ഗ്വാളിയോര്‍ വ്യോമത്താവളത്തില്‍നിന്നു പുറപ്പെട്ട സുഖോയ്-30, മിറാഷ് 2000 വിമാനങ്ങളാണു വ്യോമസേനയുടെ പ്രകടനത്തിനിടെ തകര്‍ന്നുവീണത്. ഇന്നു പുലര്‍ച്ചെ 5.30നാണ് അപകടമുണ്ടായത്. വിമാനങ്ങള്‍ ആകാശത്തുവച്ച് കൂട്ടിയിടിച്ചുവെന്നാണു പ്രാഥമിക നിഗമനം.മൊറേനയില്‍ നിന്ന് നൂറു കിലോമീറ്റര്‍ അകലെ രാജസ്ഥാനിലെ ഭരത്പുരില്‍ വീണത് ഈ വിമാനങ്ങളുടെ അവശിഷ്ടങ്ങളെന്നാണ് സൂചന. ഇക്കാര്യം സ്ഥിരീകരിക്കാനായി പ്രതിരോധമന്ത്രാലയ ഉദ്യോഗസ്ഥര്‍ സ്ഥലത്തേക്ക് തിരിച്ചു. ഭരത്പുരില്‍ ഒരു ചാര്‍ട്ടര്‍ വിമാനം തകര്‍ന്നുവീണുവെന്നായിരുന്നു ഭരത്പുര്‍ എസ്പി അറിയിച്ചിരുന്നത്.വിമാനങ്ങളിലെ സുഖോയ്30 വിമാനത്തിലെ […]

നേപ്പാളിലുണ്ടായ ഭൂകമ്പത്തെ തുടര്‍ന്ന് ഡല്‍ഹിയില്‍ ശക്തമായ ഭൂചലനം. ഡല്‍ഹിയില്‍ മാത്രമല്ല സമീപം പ്രദേശങ്ങളിലും ശക്തമായ ചലനങ്ങളുണ്ടായി. ദില്ലി-എന്‍സിആര്‍ ഒന്നാകെ ശക്തമായ പ്രകമ്പനങ്ങളുണ്ടായിട്ടുണ്ട്. ചൊവാഴ്ച്ച് ഉച്ചയ്ക്ക് രണ്ടരയോടെയാണ് ഭൂകമ്പം ഉണ്ടായത്. ഭൂകമ്പത്തെ തുടര്‍ന്ന് സീലിംഗ് ഫാനുകളും, വീട്ടിലെ സാധനങ്ങള്‍ കുലുങ്ങുന്നതുമെല്ലാം വീഡിയോയില്‍ കാണാം. റിക്ടര്‍ സ്‌കെയിലില്‍ 5.8 രേഖപ്പെടുത്തിയ ഭൂചലനമാണ് നേപ്പാളിലുണ്ടായത്. ഉത്തരാഖണ്ഡിലെ പിത്തോറാഗഡിലെ 148 കിലോമീറ്റര്‍ കിഴക്കുമാറിയുള്ള നേപ്പാളിന്റെ മേഖലയിലാണ് ഭൂചലനമുണ്ടായത്. ഒരു മിനുട്ടോളം ഈ പ്രകമ്പനമുണ്ടായെന്നാണ് റിപ്പോര്‍ട്ട്. അതേസമയം ഭൂകമ്പത്തെ തുടര്‍ന്ന് നാശനഷ്ടങ്ങള്‍ റിപ്പോര്‍ട്ട് ചെയ്യപ്പെട്ടിട്ടില്ല.