പ്രശസ്ത പിന്നണി ഗായിക വാണി ജയറാം (78) അന്തരിച്ചു. ചെന്നൈയിലെ വസതിയില് ശനിയാഴ്ച ഉച്ചയ്ക്കായിരുന്നു അന്ത്യം. മലയാളം, തമിഴ്, തെലുങ്ക്, കന്നഡ, ഹിന്ദി എന്നിങ്ങനെ 19 ഭാഷകളിലായി പതിനായിരത്തിലധികം ഗാനങ്ങള് ആലപിച്ചിട്ടുണ്ട്. ഈ വര്ഷം രാജ്യം പത്മഭൂഷണ് നല്കി ആദരിച്ചിരുന്നു. മികച്ച ഗായികയ്ക്കുള്ള ദേശീയ പുരസ്കാരം മൂന്നു തവണ നേടി. സ്വപ്നം എന്ന ചിത്രത്തിലൂടെ സലീല് ചൗധരിയാണ് വാണിയെ മലയാളത്തില് കൊണ്ടുവരുന്നത്.
തമിഴ്നാട്ടിലെ വെല്ലൂരില് 1945-ലായിരുന്നു ജനനം. കലൈവാണി എന്നായിരുന്നു യഥാര്ത്ഥ പേര്. മലയാളത്തില് സ്വപ്നം എന്ന ചിത്രത്തിലെ സൗരയൂഥത്തില് വിടര്ന്നൊരു എന്ന ഗാനമാണ് മലയാളത്തില് അവര് ആദ്യം ആലപിച്ചത്. മികച്ച ഗായികയ്ക്കുള്ള ദേശീയ പുരസ്കാരം മൂന്നുതവണ വാണി ജയറാമിനെ തേടിയെത്തി. കഴിഞ്ഞയാഴ്ചയാണ് പത്മഭൂഷണ് നല്കി രാജ്യം ആദരിച്ചത്.
