386 റണ്സ് വിജയലക്ഷ്യം പിന്തുടര്ന്ന ന്യൂസിലാൻഡ് ഓപ്പണര് ദേവോണ് കോണ്വേയുടെ മിന്നും സെഞ്ചുറിക്കിടയിലും 41.2 ഓവറില് 295 റണ്സില് പുറത്തായി. കോണ്വേ 100 പന്തില് 138 റണ്സ് നേടി. ബാറ്റിംഗില് സെഞ്ചുറികളുമായി രോഹിത് ശര്മ്മയും ശുഭ്മാന് ഗില്ലും ബൗളിംഗില് മൂന്ന് വിക്കറ്റ് വീതവുമായി ഷര്ദ്ദുല് ഠാക്കൂറും കുല്ദീപ് യാദവും രണ്ടാളെ പുറത്താക്കി യുസ്വേന്ദ്ര ചാഹലും തിളങ്ങി. അര്ധസെഞ്ചുറിയും ഒരു വിക്കറ്റുമായി ഹാര്ദിക് പാണ്ഡ്യയുടെ ഓള്റൗണ്ട് മികവും നിര്ണായകമായി. ആദ്യ ഏകദിനം 12 റണ്ണിനും രണ്ടാമത്തേത് 8 വിക്കറ്റിനും വിജയിച്ച ഇന്ത്യ ഇതോടെ പരമ്പര സ്വന്തമാക്കി.
