തിരുവനന്തപുരം നഗരമധ്യത്തിൽ മാനവീയം വീഥിയിൽ യൂത്ത് കോൺഗ്രസ് നടത്തിയ ഡോക്യുമെന്ററി പ്രദർശനം തടയാൻ ശ്രമിച്ച യുവമോർച്ച പ്രവർത്തകർ പോലീസ് സ്ഥാപിച്ച ബാരിക്കേഡ് മറിച്ചിടാൻ ശ്രമിക്കുകയും ഉന്തും തള്ളും ഉണ്ടാവുകയും തുടർന്ന് പ്രവർത്തകരെ പോലീസ് അറസ്റ്റ് ചെയ്ത് നീക്കുകയും ചെയ്തു.
പൂജപ്പുര തിരുമല റോഡിൽ ഡിവൈഎഫ്ഐ നടത്തുന്ന ഡോക്യുമെന്ററി പ്രദർശനം തുടരുകയാണ്. ഇത് തടയാൻ ശ്രമിച്ച യുവമോർച്ച – ബിജെപി പ്രവർത്തകർക്ക് നേരെ പോലീസ് ജലപീരങ്കി പ്രയോഗിച്ചു. പ്രദേശത്ത് സംഘർഷാവസ്ഥ ഇപ്പോഴും തുടരുന്നു.
