പ്രധാനമന്ത്രി നരേന്ദ്ര മോദിക്ക് ഗുജറാത്ത് കലാപത്തിൽ പങ്കുണ്ടെന്ന ആരോപണമുള്ള ബിബിസി ഡോക്യുമെന്ററിക്കെതിരെയുള്ള എ.കെ. ആന്റണിയുടെ മകൻ അനിൽ ആന്റണിയുടെ പ്രസ്താവനയെ തള്ളിപ്പറഞ്ഞ് യൂത്ത് കോൺഗ്രസ് സംസ്ഥാന പ്രസിഡന്റ് ഷാഫി പറമ്പിൽ.
ഡോക്യുമെന്ററി പ്രദർശനത്തിന് ശേഷം ഷാഫി പറഞ്ഞത് യൂത്ത് കോൺഗ്രസിന്റെ അഭിപ്രായം പറയേണ്ടത് പ്രസിഡന്റായ താനാണെന്നും മറ്റാരും പറയുന്നത് ഔദ്യോഗിക നിലപാടല്ലെന്നുമാണ്. “ഒരാളുടെ വ്യക്തിപരമായ അഭിപ്രായം സംഘടനയുടെ പൊതുവായ അഭിപ്രായമല്ല” അദ്ദേഹം കൂട്ടിച്ചേർത്തു.
ബിബിസി ഡോക്യുമെന്ററിയുടെ പ്രദർശനം തടയാൻ നരേന്ദ്ര മോദിയും സംഘപരിവാറും ശ്രമിക്കുന്നത് ഇവർക്ക് സത്യത്തെ ഭയമായതിനാലാണെന്ന് ഷാഫി അഭിപ്രായപ്പെട്ടു.
നേരത്തെ, അനിൽ ട്വിറ്ററിൽ കുറിച്ചത് ഇന്ത്യയുടെ പരമാധികാരത്തിന് മേലുള്ള കടന്നു കയറ്റമാണ് ഡോക്യുമെന്ററിയെന്നും ബിബിസി മുൻവിധിയുള്ള ചാനലെന്നുമായിരുന്നു.
