Category: LATEST

24 വേദികളിലായി ജനുവരി 3 മുതൽ 7 വരെ സംസ്ഥാന സ്‌കൂൾ കലോത്സത്തിന് കോഴിക്കോട് ആതിഥേയത്വം നൽകും. കോഴിക്കോട്: 61-ാമത് സംസ്ഥാനതല സ്‌കൂൾ കലോത്സവത്തിൽ 239ഇനങ്ങളിലായി ഹയർ സെക്കന്ററി, ഹൈസ്‌ക്കൂൾ വിഭാഗങ്ങളിൽ നിന്നായി ഏകദേശം 14000 ത്തോളം മത്സരാർത്ഥികൾ മാറ്റുരയ്ക്കും.തിരുവനന്തപുരം കരകുളം സ്വദേശി മുഹമ്മദ് റഷീദ് തയ്യാറാക്കിയ ലോഗോ ആണ് തെരഞ്ഞെടുത്തത്.കലോത്സവത്തിന്റെ മറ്റൊരു ആകർഷണത എന്നത് കൂടുതൽ പോയിന്റ് നേടുന്ന ജില്ലയ്ക്ക് സ്വർണ്ണകപ്പ് നൽകുന്നതാണ്. ഈ പതിവ് ആരംഭിച്ചത് 1987 ലാണ്. അത് ഇപ്പോഴും തുടർന്നു പോരുന്നു.

തൃശൂരില്‍ ദേശീയപാതയിലാണ് ട്രാഫികിന് പുതിയ നിര്‍ദ്ദേശങ്ങള്‍ പാലിക്കേണ്ടത്. ഇതിന്‍റെ ഭാഗമായി ചെക്ക്പോസ്റ്റിലും ടോള്‍ബൂത്തിലും ഡ്രൈവര്‍മാര്‍ക്ക് ബോധവല്‍ക്കരണം തുടങ്ങി.വാണിയംപാറ മുതല്‍ പൊങ്ങം വരെ ഇനിമുതല്‍ ലൈന്‍ ട്രാഫിക് നിര്‍ബന്ധം. വേഗം കുറഞ്ഞ വാഹനങ്ങളും ട്രെയ്ലറുകളും ചരക്കുവാഹനങ്ങളും ഇടതു വശത്തു കൂടിയും വേഗം കൂടിയ വാഹനങ്ങള്‍ വലതുവശത്തു കൂടിയുമാണ് പോകേണ്ടത്. ഓവര്‍ടേക്ക് ചെയ്യുന്നത് വലതു വശത്തു കൂടിയായിരിക്കണം. നിയമം ലംഘിക്കുന്ന വാഹനങ്ങളെ റോഡില്‍ വെച്ച് തടയില്ല. എന്നാല്‍ ക്യാമറകളിലൂടെ രജിസ്ട്രേഷന്‍ നമ്പര്‍ കണ്ടെത്തി നടപടി സ്വീകരിക്കും.

ഇന്നലെ സന്ധ്യക്ക് ചാലക്കുടി നഗരസഭ ഓഫീസിന് അടുത്തുള്ള ഇന്ത്യന്‍ കോഫി ഹൗസ് പൂട്ടി. നഗരസഭ കെട്ടിടം പൊളിച്ചുപണിയുന്നതിന്‍റെ ഭാഗമായാണ് കോഫിഹൗസിന് 19 വര്‍ഷത്തെ സേവനം അവസാനിപ്പിക്കേണ്ടി വന്നത്.വാടകയ്ക്ക് സൗകര്യപ്രദമായ മറ്റൊരിടം കിട്ടിയാല്‍ വീണ്ടും പ്രവര്‍ത്തനമാരംഭിക്കും. എന്തായാലും തല്‍ക്കാലം കോഫിഹൗസിന്‍റെ രുചി ഇവിടെയുണ്ടാവില്ല. ജീവനക്കാരെ മറ്റു കോഫീഹൗസുകളിലേക്ക് മാറ്റി.