വിശാലിനെ നായകനാക്കി എ വിനോദ് കുമാര് സംവിധാനം ചെയ്യുന്ന ‘ലാത്തി’ ഡിസംബര് 22നു പ്രദര്ശനത്തിനെത്തും. ഒരു ആക്ഷന് എന്റര്ടെയ്നറാണ് ചിത്രം.
യുവന് ശങ്കര് രാജ സംഗീത സംവിധാനം നിര്വഹിക്കുന്ന ചിത്രത്തില് പൊലീസ് ഉദ്യോഗസ്ഥനായിട്ട് ആണ് വിശാല് അഭിനയിക്കുന്നത്. രമണയും നന്ദയും ചേര്ന്നാണ് ‘ലാത്തി’ എന്ന ചിത്രം നിര്മിക്കുന്നത്. ചിത്രത്തിന്റെ തിരക്കഥ എഴുതുന്നത് എ വിനോദ് കുമാര് തന്നെയാണ്. ബാലസുബ്രഹ്മണ്യന് ആണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. എന് ബി ശ്രീകാന്ത് ആണ് ചിത്രത്തിന്റെ എഡിറ്റിംഗ് നിര്വഹിക്കുന്നത്. ‘ലാത്തി’ എന്ന ചിത്രത്തിന്റെ ചിത്രീകരണത്തിനിടെ വിശാലിന് പരുക്കേറ്റിരുന്നു.
