ഇന്ന് പുലർച്ചെ മേഘാലയയിലെ ടുറയിൽ റിക്ടർ സ്കെയിലിൽ 3.7 തീവ്രത രേഖപ്പെടുത്തിയ ഭൂചലനം ഉണ്ടായതായി നാഷണൽ സെൻ്റർ ഫോർ സീസ്മോളജി അറിയിച്ചു. ടുറയിൽ നിന്ന് 59 കിലോമീറ്റർ വടക്ക് 6.57നാണ് ഭൂചലനം അനുഭവപ്പെട്ടത്. ഭൂചലനത്തിൻ്റെ ആഴം 29 കിലോമീറ്ററാണെന്നാണ് റിപ്പോർട്ട്.
നേരത്തെ മണിപ്പൂരിലെ നോനി ജില്ലയിൽ 3.2 തീവ്രത രേഖപ്പെടുത്തിയ ഭൂചലനം ഉണ്ടായതായി നാഷണൽ സെൻ്റർ ഫോർ സീസ്മോളജി (എൻസിഎസ്) അറിയിച്ചു.
പുലർച്ചെ 2.46 ഓടെ 25 കിലോമീറ്റർ താഴ്ചയിലാണ് ഭൂചലനം ഉണ്ടായത്.
മേഘാലയയിൽ ഇന്നലെ നിയമസഭയിലേക്ക് വോട്ടെടുപ്പ് നടന്നു, മൊത്തത്തിൽ 81 ശതമാനത്തിലധികം പോളിംഗ് രേഖപ്പെടുത്തി.
