നിവിന് പോളിയെ നായകനാക്കി രാജീവ് രവി ഒരുക്കിയ തുറമുഖം മാര്ച്ച് പത്തിന് പ്രദര്ശനത്തിനെത്തും. ലിസ്റ്റിന് സ്റ്റീഫന്റെ മാജിക് ഫ്രെയിംസാണ് ചിത്രം തിയേറ്ററുകളില് എത്തിക്കുന്നത്. 1962 വരെ കൊച്ചിയില് നിലനിന്നിരുന്ന ചാപ്പ തൊഴില് വിഭജന സമ്പ്രദായവും, ഇത് അവസാനിപ്പിക്കാന് തൊഴിലാളികള് നടത്തിയ സമരവുമാണ് ചിത്രത്തിന്റെ പ്രധാന പ്രമേയം.
മട്ടാഞ്ചേരി മൊയ്തു എന്ന നായക കഥാപാത്രത്തെയാണ് നിവിന് ഈ ചിത്രത്തില് അവതരിപ്പിക്കുന്നത്. പല ഗെറ്റപ്പുകളില് നിവിന് പോളി എത്തുന്ന ചിത്രത്തില് ഇരുപതുകളിലെയും നാല്പതുകളിലെയും കൊച്ചി തുറമുഖത്തെ മനോഹരമായി പുനരാവിഷ്കരിച്ചിട്ടുണ്ട്.
നിവിന് പോളി, ജോജു ജോര്ജ്, ഇന്ദ്രജിത് സുകുമാരന്, നിമിഷ സജയന്, പൂര്ണിമ ഇന്ദ്രജിത്ത്, അര്ജുന് അശോകന്, ദര്ശന രാജേന്ദ്രന്, സുദേവ് നായര്, മണികണ്ഠന് ആചാരി, ശെന്തില് കൃഷ്ണ, സന്തോഷ് കീഴാറ്റൂര് തുടങ്ങി വലിയ താരനിരയെ അണിനിരത്തിയൊരുക്കുന്ന ചിത്രത്തിന്റെ ഛായാഗ്രഹണവും രാജീവ് രവി തന്നെയാണ്. ഗോപന് ചിദംബരനാണ് തിരക്കഥയും സംഭാഷണവും എഴുതിയിരിക്കുന്നത്. എഡിറ്റര് – ബി. അജിത്കുമാര്, കലാസംവിധാനം – ഗോകുല് ദാസ്, സംഗീതം – കെ, ഷഹബാസ് അമന്. അന്വര് അലിയാണ് വരികള് എഴുതിയിരിക്കുന്നത്.
