പി എഫ് ഐയുമായി ബന്ധമില്ലാത്തവരുടെ പേരില് എടുത്ത ജപ്തി നടപടികള് പിന്വലിക്കാന് ഹൈക്കോടതി ഉത്തരവ്. മലപ്പുറത്തെ ടി.പി. യൂസഫ് അടക്കം 18 പേര്ക്കെതിരായ നടപടി പിന്വലിക്കാനാണ് നിര്ദ്ദേശം. ജപ്തി നടപ്പാക്കിയതില് വീഴ്ച പറ്റിയെന്നും ഇത് ബോധമായതോടെ നടപടികള് നിര്ത്തി വെച്ചതായി സര്ക്കാര് കോടതിയെ അറിയിച്ചു.
മിന്നല് ഹര്ത്താലില് 5.20 ലക്ഷം രൂപയുടെ പൊതു മുതല് നഷ്ടം ഈടാക്കാനാണ് പി എഫ് ഐ ഭാരവാഹികളുടെ ആസ്തി വകകള് കണ്ട് കെട്ടാന് ഹൈക്കോടതി നിര്ദ്ദേശിച്ചത്.
ആദ്യഘട്ടം നടപടികളില് മെല്ലപ്പോക്ക് നടത്തിയ സര്ക്കാര് ഹൈക്കോടതി കര്ശന നിര്ദ്ദേശം നല്കിയതോടെ ഒറ്റദിവസം കൊണ്ട് വ്യാപകമായി നടപടിയെടുത്തു. ഇതിലാണ് വ്യാപക പരാതിയും ഉയര്ന്നത്. ഇന്നലെ ഹൈക്കോടതിയില് നല്കിയ റിപ്പോര്ട്ടില് പിഴവ് പറ്റിയെന്ന് സര്ക്കാരും അംഗീകരിച്ചു.
