Category: Crime

കഠിനംകുളം വെട്ടുതുറയിലെ കോണ്‍വെന്റില്‍ കന്യാസ്ത്രീപഠനം നടത്തുന്ന യുവതിയെ തൂങ്ങിമരിച്ച നിലയില്‍ കണ്ടെത്തി. തമിഴ്‌നാട് തിരുപ്പൂര്‍ സ്വദേശിനി അന്നപൂരണി (27) യെയാണ് കോണ്‍വെന്റിലെ കിടപ്പുമുറിയില്‍ തൂങ്ങിമരിച്ച നിലയില്‍ കണ്ടത്. രാവിലെ പ്രാര്‍ഥനയ്ക്ക് വരാത്തതിനെത്തുടര്‍ന്ന് കൂടെയുള്ളവര്‍ നോക്കിയപ്പോഴാണ് ഫാനില്‍ തൂങ്ങിയ നിലയില്‍ യുവതിയെ കണ്ടത്. മുറിയില്‍നിന്ന്‌ ആത്മഹത്യാക്കുറിപ്പും കണ്ടെത്തി. തനിക്ക് കന്യാസ്ത്രീയാകാന്‍ യോഗ്യതയില്ലെന്നും അതുകൊണ്ട് പോകുന്നു എന്നുമാണ് ആത്മഹത്യാക്കുറിപ്പില്‍ എഴുതിയിരിക്കുന്നത്. വെട്ടുതുറ റോസ്മിനിയന്‍സ് ഔവര്‍ ലേഡി കോണ്‍വെന്റിലെ അന്തേവാസിയായിരുന്നു. ഒരു വര്‍ഷം മുന്‍പാണ് അന്നപൂരണി കോണ്‍വെന്റിലെത്തിയത്. പഠനത്തിന്റെ ഭാഗമായി മഹാരാഷ്ട്രയിലെ […]

ഛത്തീസ്ഗഡില്‍ നക്സല്‍ ആക്രമണത്തെത്തുടർന്ന് മൂന്ന് ജില്ലാ റിസര്‍വ് ഗാര്‍ഡ് (ഡിആര്‍ജി) ജവാന്‍മാര്‍ കൊല്ലപ്പെട്ടു. രണ്ട് സുരക്ഷാ ഉദ്യോഗസ്ഥര്‍ക്ക് പരിക്കേറ്റു. ഛത്തീസ്ഗഢിലെ സുക്മയില്‍ ശനിയാഴ്ച രാവിലെ 8.30നു ഛത്തീസ്ഗഡിലെ കുന്ദേയ്ക്കും ജഗര്‍ഗുണ്ടയ്ക്കും ഇടയിലാണ് ഏറ്റുമുട്ടല്‍ നടന്നത്. നക്‌സലൈറ്റുകള്‍ പതിയിരുന്ന് സുരക്ഷാ ഉദ്യോഗസ്ഥര്‍ക്കെതിരെ ആക്രമണം നടത്തുകയായിരുന്നു. ഛത്തീസ്ഗഡ് മുഖ്യമന്ത്രി ഭൂപേഷ് ബാഗേല്‍ അനുശോചനം രേഖപ്പെടുത്തി.

ബിഎസ്പി എംഎല്‍എ രാജു പാലിനെ 2005ല്‍ വെടിവച്ചു കൊന്ന കേസിലെ പ്രധാനസാക്ഷിയായ ഉമേഷ് പാലിനെ പട്ടാപ്പകല്‍ നടുറോഡില്‍ വെടിവച്ചു കൊന്നു. രണ്ട് അംഗരക്ഷകര്‍ക്കു പരുക്കേറ്റു. പ്രയാഗ്രാജില്‍ നടന്ന സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നു. ഇന്നു രാവിലെ ഉമേഷ് വാഹനത്തിന്റെ പിന്‍സീറ്റില്‍നിന്ന് പുറത്തേക്ക് ഇറങ്ങുമ്പോള്‍ അക്രമി വെടിയുതിര്‍ക്കുകയായിരുന്നു. ഉമേഷിന്റെ വീടിനു സമീപത്തുവച്ചായിരുന്നു ആക്രമണം.

സിനിമയില്‍ നായകനാക്കാമെന്ന് പറഞ്ഞു അശ്ലീല സിരീസില്‍ അഭിനയിപ്പിച്ചെന്ന യുവാവിന്റെ പരാതിയില്‍ സംവിധായക ലക്ഷ്മി ദീപ്ത അറസ്റ്റില്‍. അരുവിക്കര പോലീസാണ് അറസ്റ്റ് ചെയ്തത്. ലക്ഷ്മിയെ പോലീസ് നെടുമങ്ങാട് കോടതിയില്‍ ഹാജരാക്കിയതിനെ തുടര്‍ന്ന് കോടതി ജാമ്യം അനുവദിച്ചു. ഉപാധികളോടെയാണ് കോടതി ജാമ്യം അനുവദിച്ചത്. എല്ലാ ബുധനാഴ്ചയും വ്യാഴാഴ്ചയും രാവിലെ 9 മണിക്കും 12 മണിക്കും ഇടയില്‍ അന്വേഷണ ഉദ്യോഗസ്ഥനു മുന്നില്‍ ഹാജരാകണം. ഉദ്യോഗസ്ഥനു മുന്നില്‍ ആറ് ആഴ്ചത്തേക്കു ഹാജരാകാനാണ് നിര്‍ദേശം നല്‍കിയത്. വെങ്ങാനൂര്‍ സ്വദേശിയായ 26 കാരനാണ് പരാതിക്കാരന്‍.തിരുവനന്തപുരം അരുവിക്കരയിലെ […]

അയല്‍വീട്ടിലെ തര്‍ക്കം പരിഹരിക്കാനെത്തിയ ഡിവൈഎഫ്‌ഐ നേതാവ് കുത്തേറ്റ് മരിച്ചു. ഒറ്റപ്പാലം വാണിയംകുളത്ത് പനയൂര്‍ മിനിപ്പടി സ്വദേശി ശ്രീജിത്ത് (27) ആണ് കൊല്ലപ്പെട്ടത്. ശ്രീജിത്തിന്റെ സുഹൃത്തുക്കളായ നാലുപേര്‍ക്കും കുത്തേറ്റു. പ്രതി പനയൂര്‍ മിനിപ്പടി സ്വദേശി ജയദേവനെ പൊലീസ് കസ്റ്റഡിയിലെടുത്തു.ഇന്നലെ രാത്രിയാണു സംഭവം. സ്ഥിരം മദ്യപിച്ചു മാതാപിതാക്കളോടു കലഹിക്കുന്ന ജയദേവനെ ശ്രീജിത്തും സുഹൃത്തുക്കളും ചേര്‍ന്ന് അനുനയിപ്പിക്കാന്‍ ശ്രമിക്കുന്നതിനിടെയാണു സംഭവം. മാതാപിതാക്കളോടു തര്‍ക്കിച്ചുകൊണ്ടിരുന്ന ജയദേവന്‍, ശ്രീജിത്തിനും സുഹൃത്തുക്കള്‍ക്കും നേരെ തിരിയുകയായിരുന്നു. ശ്രീജിത്തിനെ ഉടന്‍ തന്നെ വാണിയംകുളത്തെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. […]