യേശുക്രിസ്തുവിന്റെ ജന്മദിനമായ ഇന്ന് (ഞായർ) ലോകമെമ്പാടും ക്രിസ്മസ് ആഘോഷിക്കുന്നു. ക്രിസ്മസിനോടനുബന്ധിച്ച് ഒഡീഷയിലെ കോലാപൂർ ബീച്ചിൽ 1500 കിലോ തക്കാളി ഉപയോഗിച്ച് മണൽ കലാകാരനായ സുദർശൻ പട്നായിക് ഭീമാകാരമായ സാന്താക്ലോസ് സൃഷ്ടിച്ചു. 27 അടി ഉയരവും 60 അടി വീതിയുമുള്ളതാണ് ശിൽപം. പട്നായിക്കിന്റെ വിദ്യാർത്ഥികൾ ശിൽപം പൂർത്തിയാക്കാൻ അദ്ദേഹത്തെ സഹായിച്ചിട്ടുണ്ട്. 1.5 ടൺ തക്കാളി കൊണ്ട് നിർമ്മിച്ച കൂറ്റൻ മണൽ ശിൽപം ട്വിറ്ററിൽ പങ്കുവെച്ച പടനായ്ക് ക്രിസ്മസ് ആശംസകൾ നേർന്നു.
