സംവിധായകന് ജിയോ ബേബി ഒരുക്കുന്ന കാതലില് ഇടത് സ്വതന്ത്ര സ്ഥാനാര്ഥിയായി മമ്മൂട്ടിയെത്തുന്നു. തീക്കോയി ഗ്രാമ പഞ്ചായത്ത് മൂന്നാം വാര്ഡ് ഇടത് സ്വതന്ത്ര സ്ഥാനാര്ഥി മാത്യു ദേവസിയായാണ് മമ്മൂട്ടിയെത്തുന്നത്. തമിഴ് താരം ജ്യോതികയാണ് മമ്മൂട്ടിയുടെ നായിക. ചിത്രീകരണത്തിനായി വച്ചിരിക്കുന്ന ഒരു ഫ്ളക്സിന്റെ ചിത്രം സോഷ്യല് മീഡിയയില് പ്രചരിക്കുന്നുണ്ട്. റോഷാക്കിനു ശേഷം മമ്മൂട്ടി കമ്പനിയുടെ ബാനറില് മമ്മൂട്ടി നിര്മ്മിക്കുന്ന ചിത്രം എന്ന പ്രത്യേകതയും ഈ ചിത്രത്തിന് ഉണ്ട്. മമ്മൂട്ടി കമ്പനി നിര്മ്മിക്കുന്ന മൂന്നാമത്തെ ചിത്രമാണ് ഇത്. ലിജോ ജോസ് പെല്ലിശ്ശേരിയുടെ നന്പകല് നേരത്ത് മയക്കം ആയിരുന്നു ആദ്യ ചിത്രം. വരുന്ന ഐഎഫ്എഫ്കെയിലാണ് ഇതിന്റെ പ്രീമിയര്. അതേസമയം ജിയോ ബേബി സംവിധാനം ചെയ്യുന്ന എഴാമത്തെ ചിത്രമാണ് കാതല്. ദുല്ഖര് സല്മാന്റെ വേഫെറെര് ഫിലിംസ് ആണ് ചിത്രത്തിന്റെ വിതരണം നിര്വഹിക്കുന്നത്.
