ബ്രഹ്മപുരം മാലിന്യപ്ലാന്റില് തീപിടിത്തം ഉണ്ടായതിനെക്കുറിച്ച് കൊച്ചി കോര്പറേഷന് സെക്രട്ടറി, ഫയര് ആന്റ് റെസ്ക്യു, കുന്നത്തുനാട് തഹസില്ദാര് എന്നിവരോട് വിശദ റിപ്പോര്ട്ട് നല്കുവാന് എറണാകുളം ജില്ലാ കളക്ടര് നിര്ദേശം നല്കി. ഇതുവരെ സ്വീകരിച്ച നടപടികള് ഉള്പ്പെടെയാണ് റിപ്പോര്ട്ട് തേടിയിരിക്കുന്നത്. കുറച്ചുദിവസം തീ പുകഞ്ഞുകൊണ്ടിരിക്കാന് സാധ്യതയുള്ളതിനാല് കണ്ട്രോള് റൂം ആരംഭിക്കുവാനും കോര്പറേഷന് സെക്രട്ടറിയോട് നിര്ദേശിച്ചു.
ഫയര് ആന്റ് റെസ്ക്യുവിന്റെ രണ്ടു ഫയര് യൂണിറ്റുകളാണ് പുകഞ്ഞുകൊണ്ടിരിക്കുന്ന തീ അണയ്ക്കുന്നതിന് രംഗത്തുള്ളത്. ഫയര് യുണിറ്റുകള്ക്ക് ആവശ്യമായ എല്ലാ സഹായവും കോര്പറേഷന് നൽകും. ഇന്നലെ വൈകിട്ടാണ് ബ്രഹ്മപുരം മാലിന്യപ്ലാന്റില് തീപിടിത്തമുണ്ടായത്.
