മുംബൈയിലെ ഡി.വൈ. പാട്ടീൽ സ്റ്റേഡിയത്തിൽ വച്ച് മാർച്ച് നാലിന് നടക്കുന്ന ഗുജറാത്ത് ജയന്റ്സ് – മുംബൈ ഇന്ത്യൻസ് പോരാട്ടത്തോടെ ലീഗിന്റെ പ്രഥമ സീസണ് തുടക്കമാകും.
20 ലീഗ് മത്സരങ്ങളും ഒരു എലിമിനേറ്ററുമടങ്ങുന്നതാണ് ലീഗിന്റെ മത്സരക്രമം. ഫൈനൽ മത്സരം മാർച്ച് 26-ന് ബ്രാബോൺ സ്റ്റേഡിയത്തിൽ നടക്കും. മുംബൈയിലെ ബ്രാബോൺ, ഡി.വൈ പാട്ടീൽ മൈതാനങ്ങളിലായിരിക്കും എല്ലാ മത്സരങ്ങളും നടക്കുക.
ഐപിഎല്ലിന് സമാനമായി രാത്രി 7:30-നാണ് മത്സരങ്ങൾ തുടങ്ങുക. മാർച്ച് 21-ന് നടക്കുന്ന യുപി വാരിയേഴ്സ് – ഡൽഹി ക്യാപിറ്റൽസ് മത്സരത്തോടെയാണ് ലീഗ് ഘട്ടം അവസാനിക്കുന്നത്. നാല് ദിവസങ്ങളിൽ ഡബിൾ ഹെഡറുകൾ നടക്കും. ഇതിൽ ആദ്യ മത്സരം വൈകിട്ട് 3:30-ന് ആയിരിക്കും ആരംഭിക്കുക. മാർച്ച് 25-ന് ഡി.വൈ. പാട്ടീൽ സ്റ്റേഡിയത്തിൽ വച്ചാണ് എലിമിനേറ്റർ മത്സരം.
ദക്ഷിണാഫ്രിക്കയിൽ വച്ച് നടക്കുന്ന ട്വന്റി -20 ലോകകപ്പ് അവസാനിച്ച് ഒരാഴ്ചയ്ക്കുള്ളിലാണ് വനിതാ ഐപിഎൽ ആരംഭിക്കുക.
