ചങ്ങനാശേരി അതിരൂപത മുന് ആര്ച്ച് ബിഷപ്പ് മാര് ജോസഫ് പൗവത്തില് (92) കാലം ചെയ്തു.
ഉച്ചയ്ക്ക് 1.17ന് ചങ്ങനാശേരിയിലായിരുന്നു അന്ത്യം.
1930 ഓഗസ്റ്റ് 14നു കുറുമ്പനാടം പൗവത്തില് കുടുംബത്തില് ജനിച്ച മാര് ജോസഫ് പൗവത്തില് 1962 ഒക്ടോബര് 3നു പൗരോഹിത്യം സ്വീകരിച്ചു. 1977ല് കാഞ്ഞിരപ്പള്ളി രൂപതയുടെ ആദ്യ മെത്രാനായി. 1985 മുതല് 2007 വരെ ചങ്ങനാശേരി അതിരൂപത ആര്ച്ച്ബിഷപ്പായി സേവനം ചെയ്തു. സിബിസിഐ കെസിബിസി അധ്യക്ഷന്, ഇന്റര് ചര്ച്ച് കൗണ്സില് ഫോര് എജ്യുക്കേഷന് ചെയര്മാന് എന്നീ നിലകളില് ശ്രദ്ധേയമായ ഇടപെടലുകള് നടത്തിയിട്ടുണ്ട്.
ചങ്ങനാശേരി ആര്ച്ച് ബിഷപ്സ് ഹൗസില് വിശ്രമജീവിതം നയിക്കുകയായിരുന്നു.1962 മുതല് ഒരു ദശാബ്ദക്കാലം ചങ്ങനാശേരി എസ്ബി കോളജില് അധ്യാപകന്. എന്എസ്എസ് മുന് പ്രസിഡന്റ് അന്തരിച്ച പി.കെ. നാരായണപ്പണിക്കരുടെ സതീര്ഥ്യനും മുഖ്യമന്ത്രി ഉമ്മന് ചാണ്ടി ഉള്പ്പെടെയുള്ള പ്രമുഖരുടെ ഗുരുശ്രേഷ്ഠനുമായി. 1986 ജനുവരി 17ന് അതിരൂപതയുടെ അധ്യക്ഷനായി ചുമതലയേറ്റു. ആര്ച്ച് ബിഷപ് സ്ഥാനത്തുനിന്ന് 2007ല് വിരമിച്ചു.
