ബെംഗളൂരു-മൈസൂരു അതിവേഗ പാത നാളെ പ്രധാനമന്ത്രി നരേന്ദ്രമോദി നാടിന് സമര്പ്പിക്കും. നാളെ രാവിലെ ആറ് മുതല് വൈകിട്ട് ആറ് വരെ വാഹനങ്ങള് സമാന്തര പാതയിലൂടെ തിരിച്ചുവിടും. എല്ലാ വാഹനങ്ങള്ക്കും നിയന്ത്രണം ബാധകമായിരിക്കും. ദേശീയപാത ഉദ്ഘാടനത്തിനു ശേഷം മണ്ഡ്യയിലെ മദ്ദൂരിലെ ഗജ്ജലഗെരെയില് നടക്കുന്ന പൊതു സമ്മേളനത്തിലും മോദി പങ്കെടുക്കുന്നുണ്ട്.
ബെംഗളൂരു-മൈസൂരു അതിവേഗ പാത തുറക്കുന്നതോടെ ബെംഗളൂരു-മൈസൂരു യാത്രാ ദൈര്ഘ്യം 3 മണിക്കൂറില് നിന്ന് 75 മിനിട്ടായി കുറയും. എന്.എച്ച്-275ന്റെ ബെംഗളൂരു-നിദാഘട്ട-മൈസൂരു ഭാഗത്തിന്റെ 6-വരിപ്പാതയും ഈ പദ്ധതിയില് ഉള്പ്പെടുന്നു. ഏകദേശം 8480 കോടി രൂപ ചെലവിലാണ് 118 കിലോമീറ്റര് ദൈര്ഘ്യമുള്ള പദ്ധതി വികസിപ്പിച്ചിരിക്കുന്നത്.
ബെംഗളുരു-മൈസൂരു ദേശീയപാത ഉദ്ഘാടനവുമായി ബന്ധപ്പെട്ട് നാളെ ഗതാഗത നിയന്ത്രണം ഉണ്ടാകും. മണ്ഡ്യയില് 1.5 കി മി റോഡ് ഷോ ഉണ്ടാകും.
